İstifadəçi şərtləri
Cebix tətbiqinə və cebix.app saytına aid qaydalar.
1. Ümumi
Cebix Azərbaycandakı ali təhsil tələbələri üçün endirim tətbiqidir; cebix.app onun saytıdır. Tətbiqdə qeydiyyatdan keçməklə və ya saytdakı formaları göndərməklə bu şərtləri qəbul etmiş olursan. Şərtlərlə razı deyilsənsə, tətbiqdən və saytdan istifadə etmə.
2. Kim istifadə edə bilər
Endirimlər yalnız aktiv tələbələr üçündür. Tələbə statusunu kartının şəkli və selfi ilə təsdiqləyirsən. Təsdiq cari tədris ilinin sonunadək qüvvədədir, sonra yenidən təsdiq lazımdır. Hər tələbənin bir hesabı ola bilər.
3. Hesabın təhlükəsizliyi
Hesabın və QR kodun şəxsidir. Onları başqasına vermə, başqasının endirimindən istifadə etmə. Şifrəni gizli saxla. Hesabında şübhəli fəaliyyət görsən, dərhal bizə yaz.
4. Endirimlər və mağazalar
Endirimləri tərəfdaş mağazalar və şirkətlər təqdim edir. Cebix satıcı deyil: məhsulun, xidmətin keyfiyyətinə və qiymətinə tərəfdaş cavabdehdir. Təklifin saatları, günləri və limiti tətbiqdə göstərilir. Tərəfdaş təklifi dəyişə və ya dayandıra bilər.
5. Sayt
Saytdakı tərəfdaş siyahısı, məhsullar və qiymətlər məlumat xarakterlidir və tərəfdaşların verdiyi məlumata əsaslanır; kassadakı qiymət fərqli ola bilər. Tətbiq ekranlarının şəkilləri nümunədir. Formalardan (xəbər siyahısı, biznes müraciəti) yalnız öz məlumatınla və məqsədinə uyğun istifadə et.
6. Qadağandır
Saxta və ya başqasının tələbə kartını yükləmək, QR kodu kopyalayıb paylaşmaq, tətbiqi və ya saytı avtomatlaşdırılmış vasitələrlə istifadə etmək, formaları spam üçün doldurmaq, coin və endirimlərdən sui-istifadə etmək. Belə hallarda hesab dayandırıla, coin-lər ləğv edilə bilər.
7. Qiymət
Cebix tələbələr üçün pulsuzdur. Tətbiqdə ödəniş yoxdur; coin-lər pul deyil.
8. Məsuliyyətin həddi
Tətbiqi və saytı "olduğu kimi" təqdim edirik və onların fasiləsiz işləyəcəyinə zəmanət vermirik. Tərəfdaşın endirimi tətbiq etməməsi və ya xidmətin keyfiyyəti ilə bağlı mübahisələr tərəfdaşla həll olunur; biz isə kömək etməyə çalışırıq.
9. Dəyişikliklər və əlaqə
Şərtləri yeniləyə bilərik; mühüm dəyişikliklər barədə tətbiqdə və bu səhifədə xəbər veririk. Şərtlər Azərbaycan Respublikasının qanunvericiliyinə tabedir. Suallar üçün: [email protected]
