Hesabın silinməsi
Cebix hesabını və məlumatlarını necə silmək olar.
1. Tətbiqdən silmək
Cebix tətbiqini aç, aşağıda Profil bölməsinə keç və Hesabı sil düyməsini seç. Təsdiq üçün şifrəni yaz və Bəli, sil düyməsini bas. Hesab dərhal silinir.
2. Tətbiqə girə bilmirsənsə
Hesabına bağlı e-poçtdan support@cebix.app ünvanına "Hesabımı silin" mövzusu ilə yaz. Sorğunun səndən gəldiyini yoxlayırıq və hesabı 30 gün ərzində silirik, sonra sənə cavab yazırıq.
3. Nə silinir
Adın, soyadın, e-poçtun, universitetin, profil şəklin (selfi), şifrən, coin-lərin və bildirişlərin. Dəstəyə yazdığın mesajlardan adın və e-poçtun çıxarılır.
4. Nə qalır
Tələbə kartının hər iki üzünün şəkli 1 il — eyni şəxsin təkrar qeydiyyatdan keçib-keçmədiyini yoxlamaq üçün; onu yalnız Cebix əməkdaşları görür, 1 il bitəndə avtomatik silinir. Mağazaların satış qeydləri (tarix, məbləğ, endirim) — onların hesabatı üçün. Bu qeydlərdə səni tanıdan heç nə qalmır: ad, e-poçt və şəkil onlardan çıxarılır. Qanunla saxlanması tələb olunan qeydlər qanunun göstərdiyi müddətə qədər saxlanılır.
5. Hesabı silmədən
Yalnız bəzi məlumatlarının silinməsini (məsələn, profil şəklini) və ya surətini istəyirsənsə, support@cebix.app ünvanına yaz.
6. Cebix Kassa kassirləri
Kassa tətbiqində aşağıda Daha çox bölməsinə keç və Hesabı sil düyməsini seç, təsdiq üçün şifrəni yaz. Adın, e-poçtun və şifrən silinir, daha daxil ola bilmirsən. Məkanın satış qeydləri hesabatı üçün qalır, amma onlarda adın görünmür. Tətbiqə girə bilmirsənsə, məkanın sahibi səni biznes panelində deaktiv edə bilər, ya da support@cebix.app ünvanına yaz. Yenidən kassada işləmək üçün sahib səni təzədən dəvət etməlidir.
